TETRARCHA

TETRARCHA
Graece Τετράρχης, nomen dignitatis, regiae proximae: Lucae c. 3. v, 1. Tetrarchâ Galileae Herode, Philippo autem ipsius fratre Tetrarchâ Itureae et Trachonitidis regionis et Lysania Abilenes Tetrarchâ. Nempe amplissimum Herodis regnum mutatâ formâ in Ethnarchias tres ab Augusto sic divisum est, ut maximam et coeteris duabus parem Archelaus, eôque pulsô, Caesaris Procurator obtineret: reliquas duas Herodes Antipas et Philippus haberent. Unde Imperatori Lucas statim subiecit Procuratorem Pontium Pilatum, huicque demum Tetrarchas: quod Ioseph fecit, in divisione Regni Herodis, l. 11. de Bello c. 13. Et quidem de Tetrarchia Herodis ac Philippi nullum dubium: Sed quare Lucas Tetrarchiae Lysaniae deinceps meminerit, quaerunt Eruditi. Ubi notandum, Euangelistam in designando tempore, quô DOMINUS noster ministerium suum inchoavit, maximam adhibuisse diligentiam, ut plurimis rem hanc indiciis insigniret redderetque illustrem ac testatam. Erat autem illis temporibus Tetrarchia, quae dicebatur Abilena Lysaniae: quam pro voluntate Imperatoris, vel proprius obtinebat Princeps, vel maior aliquis accesionis locô capiebat. Proin cum acceptabili hôc ac vere magnô annô quidam Lysanias eum Principatum teneret; nec hunc quidem Lucas putavit sibi esse praetermittendum; quum praesertim Iudaei non pauci in eius ditione habitarent, in finibus Decapoleos, quo venisse Christum atque Euangelium praedicâsse, legimus Matthaei c. 4. v. 25. Sedem vero hic dominationis suae collocavit Abilae, quô nomine vocabatur urbs quaedam Syriae, quam Plinius unam facit e Tetrarchiis sex, quae urbibus Decapoleos immixtae erant, Unde videmus vocem Tetrarchae non semper praecise eum indigitâsse, qui quartae regni parti prae esset, uti de Archelao, Herode et Philippo vidimus. Sed et laxius usurpari consuevisse, pro Regulo seu Principe. Ita ante natalem DOMINI quinquaginta circiter annis, vivebat in Syria Ptolemaeus Mennae F. Tetrarchae sive Regulus Ituraeae regionis parvae in confinio Syriae et Arabiae; cui montana Ituraeae, Marsyan, Heliopolin et Chalcidem, paruisse tradit Strabo, l. 16. Hunc fil. Lysanias in Dynastia excepisse dicitur, apud Iosephum, l. 14. c. 23. quem proin beneficiô Antonii
Ituraeae Regem esse factum, ait Dio, l. 46. Eô, eiusdem Antonii, ut Cleopatrae gratificaretur, iussu, occisô (precario enim solum Dynastae hi dominabantur, Cleopatra hanc Tetrarchiam possedit: postea Augustus Fisco addixit, et certâ impositâ pensione colendam tradidit Zenodoro cuidam: qui quamdiu eam in potestate habuit, Zenodori Tetrarchia dicta est, Iosephus appellat Ζηνοδώρου οἶκον, quae vox Auctori huic saepe idem est, quod Dominatio seu Tetrarchia. Herodi dein eam Augustus donavit, an. Urb. Cond. 734. teste Dione, l. 54. ante Natum Christum 8. Quô mortuô, quum inter possessas ab illo terras esset reperta haec Tetrarchia, Augustus partem illius Philippo eius filio attribuit de reliqua quid statuerit, neque dicit Iosephus, neque ullus alius Historicus. Sed docet nos Lucas l. c. Lysaniam quendam huius nominis II. parte praecipuâ illius atque adeo ipsâ Abilenâ fuisse ornatum, vel a Tiberio, vel potius ab ipso Augusto. Qui quis fuerit, aut quô fatô vitam finierit, non annotatum reperimus: illud scimus paulo post, h. e. decem fere post annis, rediisse eius Tetrarchiam in potestatem filiorum Herodis. Scribit enim Iosephus, l. 18. Caium inter alia plura, dedisse Agrippae τὴν Λυσάνιου τετραχίαν, quam olim Lysanias Ptolomaei fil. obtinuerat, paulo ante Lysanias Lucae. Non tamen transmisit ad filium Agrippa Dynastiae possessionem; sed Agrippa iunior a Claudio sibi donatam accepit, annô Imperii eius, 12. Ioseph. l. 20. c. 3. Vide Isaac. Casaubon. Exercit. l. 13. ad Annales Baronii, §. 3. et supra Lysanias. Adde Salmas. ad Solin. ubi in Syria et Phoenice singulas urbes dictas fuisse Tetrarchias, proprie vero Tetrarchiam esse, quaternorum simul in una eademque provincia vel gente principatuum, cuiusmodi Principes habuerit natio Galatarum, in tres populos divisa, quorum singuli in quatuor partes distributi totidem subfuerint Τετράρχαῖς, docet, p. 596.

Hofmann J. Lexicon universale. 1698.

Look at other dictionaries:

  • tetrarcha — {{/stl 13}}{{stl 8}}rz. mos VIa, CMc. tetrarcharsze; lm M. tetrarchachowie, {{/stl 8}}{{stl 7}} władca – hołdownik starożytnego Rzymu lub Grecji, zarządzający jedną z czterech prowincji państwa; tytuł jednego z czterech współrządców państwa w… …   Langenscheidt Polski wyjaśnień

  • tetrarcha — m odm. jak ż IV, CMs. tetrarcharsze; lm M. tetrarchachowie, DB. tetrarchachów hist. «w starożytnym Rzymie: tytuł zarządcy określonych terenów w Azji Mniejszej i Syrii: zarządca mający ten tytuł» …   Słownik języka polskiego

  • LYSANIAS — I. LYSANIAS Procurator Abylenes, s. Tetrarcha, memoratur Lucae c. 3. v. 1. ubi Euangelista rerum descriptionem aggressurus, quas Dominus noster toto ministerii sui tempore gessit; temporis circumstantiam, quae erat omnium maximi momenti, accurate …   Hofmann J. Lexicon universale

  • tetrarch — tetrarchy, tetrarchate /te trahr kayt , kit, tee /, n. tetrarchic /te trahr kik, ti /, tetrarchical, adj. /te trahrk, tee /, n. 1. any ruler of a fourth part, division, etc. 2. a subordinate ruler. 3. one of four joint rulers or chiefs. 4. the… …   Universalium

  • tetrarca — (Del gr. tettares, cuatro + arkho , mandar.) ► sustantivo masculino femenino 1 HISTORIA Jefe de la cuarta parte de un reino o provincia. 2 HISTORIA Gobernador de una provincia o territorio. * * * tetrarca (del lat. «tetrarcha», del gr.… …   Enciclopedia Universal

  • tetrarch — te•trarch [[t]ˈtɛ trɑrk, ˈti [/t]] n. 1) anh cv the ruler of a fourth part, division, etc., as of a country or province in the Roman Empire 2) anh cv a subordinate ruler or minor king, esp. in W Asia under the Roman Empire 3) one of four joint… …   From formal English to slang

  • tetrarch — noun Etymology: Middle English, from Latin tetrarcha, from Greek tetrarchēs, from tetra + archēs arch Date: 12th century 1. a governor of the fourth part of a province 2. a subordinate prince • tetrarchic adjective …   New Collegiate Dictionary

  • Copromorphidae — Scientific classification Kingdom: Animalia Phylum: Arthropoda Class: Insecta …   Wikipedia

  • Тетрархия — (τετραρχία) в древнеэллинском мире четвертая часть области, управлявшаяся так назыв. тетрархом (tetrarcha, terrarches, τετράρχης). На Т. делилась древняя Фессалия: это были Фессалиотида, Фтиотида, Пелазгиотида и Гистиеотида. Филипп II Македонский …   Энциклопедический словарь Ф.А. Брокгауза и И.А. Ефрона

  • Тетрарх — У этого термина существуют и другие значения, см. Тетрарх (значения). Тетрарх (греч. τετράρχης, лат. tetrarcha, terrarches) один из четырёх правителей в тетрархии (форме правительства с четырьмя равноправными властителями). Например в… …   Википедия

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.